Het ni-je book van Herman van Velzen, De Scheernsliep. Foto: PR
Ni-j book van Herman van Velzen: De Scheernsliep
ACHTERHOEK - Op maondag 11 oktober kump 't ni-je book van Herman van Velzen uut. Theo Roes hef weer dartig verhalen evonnen dee nog neet eerder in ’n uutgave heb estaon. ’t Book heit De Scheernsliep naor ’n paar verhale aover Aornt as scheernslieper. Dat dat neet good aflup ku’j wal raojen. De verhale in De Scheernsliep bunt allemaol geschreven in de begintied dat ze elke wekke in De Graafschapbode stonnen, zo tussen 1935 en 1942. Ok bunt d’r ’n paar Breeve uut Hengel onder de name van Manus Kruuthof zoas Frans Roes zich eerst ok wal ‘ns nuumen.
De presentatie van De Scheernsliep is op maondag 11 oktober um 19.30 uur in de zale van Café De Jongens in Hengel. Theo Roes least ’n paar verhale veur en aoverhandigt het eerste exemplare an Frans Miggelbrink. Tussendeur spölt Willem te Molder (den van Boh Foi Toch) ’n paar leedjes.
Iederene mag kommen, i’j mag veur niks naor binnen. Veur ‘n drankje mo’j wal effe de pottemonnee trekken. Het book kost op den aovend 15 euro (later in de winkel 17,50 euro). Ok bunt d’r olde uutgaven van Herman van Velzen te koop.
Anmelden kan deur ’n mail naor w.hermans@uitgeverijhermans.nl of bel 06-11912829.